1ܘܡܛܹܐܠܹܗ ܠܕܲܪܒܹܐ ܡܕܝܼܢَܬܵܐ ܘܠܠܘܼܣܛܪܵܐ؛ ܘܗܵܐ؛ ܐܝܼܬ ܗَܘܵܐ ܬܵܡܵܐ ܚܲܕَ ܬܲܠܡܝܼܕܵܐ ܕܫܸܡܹܗ ܛܝܼܡܵܬܹܐܘܿܣ؛ ܒܪܘܼܢܵܐ ܕܚܕܵܐ ܒܲܟ̣ܬܵܐ ܝܗَܘܼܕܵܝܬܵܐ ܗܘܼܡܸܢܬܵܐ؛ ܐܝܼܢܵܐ ܒܵܒܹܗ ܢܘܼܟܼܪܵܝܵܐ ܗَܘܵܐ. 2ܘܟܠܵܝܗܝ ܬܲܠܡܝܼܕܹ̈ܐ ܕܡ̣ܢ ܠܘܼܣܛܪܵܐ ܘܐܝܼܩܵܢܘܿܢ ܟܹܐ ܝܵܗَܒ̣ܝܼ ܗَܘܵܘ ܣܵܗܕܘܼܬܵܐ ܒܘܼܬ ܕܝܼܹܗ. 3ܠܐܵܗܵܐ ܒܣܸܡܠܵܐ ܠܹܗ ܦܵܘܠܘܿܣ ܕܠܲܒܸܠܹܗ ܥܲܡܹܗ؛ ܘܫܩܸܠܹܗ ܓܙܸܪܹܗ؛ ܣܵܒܵܒ ܕܝܗَܘܼܕܵܝܹ̈ܐ ܕܐܝܼܬ ܗَܘܵܘ ܒܗ̇ܝ ܕܘܼܟܵܐ؛ ܣܵܒܵܒ ܟܹܐ ܝܲܕܥܝܼ ܗَܘܵܘ ܟܠܵܝܗܝ ܠܒܵܒܹܗ ܕܢܘܼܟܼܪܵܝܵܐ ܗَܘܵܐ. 4ܘܟܲܕ ܒܹܐܙܵܠܵܐ ܗَܘܵܘ ܓܵܘ ܡܕܝܼܢܵܬܹ̈ܐ؛ ܡܲܪܸܙܝܼ ܗَܘܵܘ ܘܡܲܠܦܝܼ ܗَܘܵܘ ܕܗܵܘܝܼ ܒܸܢܛܵܪܵܐ ܠܦܘܼܩܕܵܢܹ̈ܐ؛ ܐܵܢܝܼ ܕܕܡܘܼܬܒܹܐܠܗَܘܿܢ ܫܠܝܼܚܹ̈ܐ ܘܚܘܵܪ̈ܕܸܩܢܹܐ ܕܓܵܘ ܐܘܿܪܸܫܠܸܡ. 5ܗܲܕܟ̣ܵܐ ܥܹܕܵܬܹ̈ܐ ܦܵܝܫܝܼ ܗَܘܵܘ ܡܘܼܩܘܝܹܐ ܒܗܲܝܡܵܢܘܼܬܵܐ؛ ܘܙܵܝܕܝܼ ܗَܘܵܘ ܒܡܸܢܝܵܢܵܐ ܟܠܝܘܿܡ. 6ܘܚܕܸܪܗَܘܿܢ ܒܦܪܘܼܓ̣ܝܼܵܐ ܘܒܓܵܠܵܛܝܼܵܐ ܐܲܬܪ̈ܵܘܵܬܼܵܐ؛ ܘܡܘܼܟܠܹܐ ܠܵܗ̇ ܐܸܠܵܝܗܝ ܪܘܼܚܵܐ ܕܩܘܼܕܫܵܐ ܕܠܵܐ ܗܲܡܙܸܡܝܼ ܗܹܡܸܙܡܵܢ ܓܵܘ ܐܵܣܝܼܵܐ. 7ܘܟܲܕ ܐَܬܹܐܠܗَܘܿܢ ܠܒܲܪܩܘܼܒ̣ܠ ܕܡܘܼܣܝܼܵܐ؛ ܒܵܥܝܼ ܗَܘܵܘ ܕܐܵܙܠَܝܼ ܡ̣ܢ ܬܵܡܵܐ ܠܒܹܬܘܿܢܝܼܵܐ؛ ܘܠܵܐ ܝܘܼܗَܒܼܸܠܹܗ ܕܲܣܬܘܼܪ ܐܸܠܵܝܗܝ ܪܘܼܚܵܐ ܕܝܼܫܘܿܥ. 8ܘܟܲܕ ܥܒܼܝܼܪܗَܘܿܢ ܡ̣ܢ ܡܘܼܣܝܼܵܐ؛ ܨܠܹܐܠܗَܘܿܢ ܠܛܪܘܿܐܘܿܣ ܐܲܬܼܪܵܐ. 9ܘܒܚܸܙܘܵܐ ܕܠܲܝܠܹܐ ܦܸܫܠܹܗ ܚܸܙܝܵܐ ܠܦܵܘܠܘܿܣ؛ ܚܲܕَ ܓܲܒܼܪܵܐ ܡܵܩܹܕܘܿܢܵܝܵܐ ܟܸܠܝܵܐ ܘܦܲܪܦܘܼܠܹܐ ܒܝܹܗ ܟܲܕ ܐܵܡܸܪ؛ ܬܵܐ ܠܡܵܩܹܕܘܿܢܝܵܐ ܘܗܲܝܸܪܲܢ. 10ܘܟܲܕ ܚܙܹܐ ܠܹܗ ܐܵܗܵܐ ܚܸܙܘܵܐ؛ ܒܗ̇ܝ ܥܕܵܢܵܐ ܒܣܸܡܠܵܐܠܲܢ ܠܸܦܠܵܛܵܐ ܠܡܵܩܕܘܿܢܝܼܵܐ؛ ܣܵܒܵܒ ܦܘܼܪܡܹܐܠܲܢ ܕܡܵܪܲܢ ܩܪܹܐܠܹܗ ܐܸܠܲܢ ܕܡܲܫܚܸܕܲܚ ܐܸܠܵܝܗܝ. 11ܘܪَܚܸܫܠܲܢ ܡ̣ܢ ܛܪܘܿܐܘܿܣ؛ ܘܛܪܹܐܠܲܢ ܕܘܼܙ ܠܣܵܡܘܿܬܪܵܩܹܐ؛ ܘܒܝܵܘܡܵܐ ܐَܚܹܪَܢܵܐ ܐَܬܹܐܠܲܢ ܠܢܹܐܵܦܘܿܠܝܼܣ ܡܕܝܼܢَܬܵܐ. 12ܘܡ̣ܢ ܬܵܡܵܐ ܠܦܝܼܠܝܼܦܘܿܣ؛ ܗ̇ܝ ܕܝܼܠܵܗ̇ ܪܹܫܵܐ ܕܡܵܩܹܕܘܿܢܝܼܵܐ؛ ܘܩܘܿܠܘܿܢܝܼܵܐ (ܪܗَܘܿܡܵܝܬܵܐ) ܝَܠܵܗ̇؛ ܘܦܸܫܠܲܢ ܒܐܵܗܵܐ ܡܕܝܼܢَܬܵܐ ܚܲܕَܟܡܵܐ ܝܵܘܡܵܢܹ̈ܐ. 13ܘܦܠܸܛܠܲܢ ܒܝܵܘܡܵܐ ܕܫܲܒܬܵܐ ܠܒܲܕܲܪ ܡ̣ܢ ܬܲܪܥܵܐ ܕܡܕܝܼܢَܬܵܐ؛ ܥܲܠ ܣܸܦܬܵܐ ܕܢܲܗܪܵܐ؛ ܐܲܝܟܵܐ ܕܚܫܸܒ̣ܠܲܢ ܐܝܼܬ ܗَܘܵܐ ܒܹܝܬ ܨܠܘܿܬܵܐ؛ ܘܟܲܕ ܝܬܸܒ̣ܠܲܢ؛ ܗܲܡܙܘܼܡܹܐ ܝܘܲܚ ܗَܘܵܘ ܥܲܡ ܒܲܟ̣ܬܵܬܹ̈ܐ ܕܓ̰ܸܡܥܝܹܐ ܗَܘܵܘ ܬܵܡܵܐ. 14ܘܚܕܵܐ ܒܲܟ̣ܬܵܐ؛ ܙܵܒ̇ܢܵܢܬܵܐ ܕܐܲܪܓܘܵܢܵܐ؛ ܙܵܕܥܝܵܢܬܵܐ ܡ̣ܢ ܐܲܠܵܗܵܐ؛ ܫܸܡܵܗ̇ ܠܘܼܕܝܼܵܐ؛ ܡ̣ܢ ܬܹܐܘܿܛܝܼܪܵܐ ܡܕܝܼܢَܬܵܐ؛ ܫܡܸܥܠܵܗ̇؛ ܘܠܸܒܵܗ̇ ܦܬܸܚܠܹܗ ܡܵܪܲܢ؛ ܠܡܲܨܝܘܼܬܹܐ ܠܡܸܢܕܝܵܢܹ̈ܐ ܕܐܵܡܸܪ ܗَܘܵܐ ܦܵܘܠܘܿܣ. 15ܘܥܡܸܕܠܵܗ̇ ܗ̇ܝ ܘܒܢܲܝ̈ ܒܲܝܬܵܗ̇؛ ܘܦܘܼܪܦܸܠܵܗ̇ ܒܝܼܲܢ؛ ܒܹܐܡܵܪܵܐ؛ ܐܸܢ ܒܸܕܝܵܢܵܐ ܝܬܘܿܢ ܕܗܘܼܡܸܢܬܵܐ ܝܘܵܢ ܒܡܵܪܲܢ؛ ܬܹܐܡܘܿܢ ܦܘܼܫܘܿܢ ܓܵܘ ܒܲܝܬܝܼ. ܘܪܵܒܵܐ ܩܲܡ ܡܲܠܝܼܨܵܐ ܠܲܢ. 16ܘܗَܘܹܐܠܵܗ̇ ܕܟܲܕ ܒܹܐܙܵܠܵܐ ܝܘܲܚ ܗَܘܵܘ ܠܨܠܘܿܬܵܐ؛ ܬܦܸܩܠܵܗ̇ ܒܝܲܢ ܚܕܵܐ ܚܵܡܬܵܐ ܕܐܝܼܬ ܗَܘܵܐ ܠܵܗ̇ ܪܘܼܚܵܐ ܕܩܸܨܡܵܐ (ܕܢܲܒܵܝܬܵܐ)؛ ܘܥܵܒ̣ܕܵܐ ܗَܘܵܐ ܪܵܒܵܐ ܦܲܝܕܵܐ ܠܡܵܪ̈ܵܘܵܬܘܼܗ̇ ܒܩܨܵܡܬܵܐ. 17ܐܵܗܵܐ ܐܵܬܝܵܐ ܗَܘܵܐ ܒܵܬَܪ ܦܵܘܠܘܿܣ ܘܒܵܬَܪܲܢ؛ ܘܡܲܩܘܸܚܵܐ ܗَܘܵܐ ܘܐܵܡܪܵܐ؛ ܐܲܢܹܐ ܐَܢܵܫܹ̈ܐ ܪܹ̈ܓܵܘܵܬܹܐ ܕܐܲܠܵܗܵܐ ܪܵܡܵܐ ܝܢܵܐ؛ ܕܡܲܫܚܘܼܕܹܐ ܝܢܵܐ ܐܸܠܵܘܟ̣ܘܿܢ ܐܘܼܪܚܵܐ ܕܚܲܝܹ̈ܐ. 18ܘܗܲܕܟ̣ܵܐ ܟܹܐ ܥܵܒ̣ܕܵܐ ܗَܘܵܐ ܪܵܒܵܐ ܝܵܘܡܵܢܹ̈ܐ. ܘܟܲܕ ܡܛܹܐܠܵܗ̇ ܠܓܵܢܹܗ ܕܦܵܘܠܘܿܣ؛ ܕܸܪܹܗ؛ ܘܐَܡܸܪܹܗ ܠܗ̇ܝ ܪܘܼܚܵܐ؛ ܦܵܩܘܿܕܹܐ ܝܘܸܢ ܐܸܠܵܟ̣ܝ ܒܫܸܡܹܗ ܕܝܼܫܘܿܥ ܡܫܝܼܚܵܐ ܕܦܵܠܛܲܬܝ ܡܸܢܵܗ̇. ܘܗܲܪ ܒܗ̇ܝ ܣܵܥܲܬ ܦܠܸܛܠܵܗ. 19ܘܟܲܕ ܚܙܹܐܠܗَܘܿܢ ܡܵܪ̈ܵܘܵܬܘܼܗ̇ ܕܦܠܸܛܠܵܗ ܡܸܢܵܗ̇ ܗܹܒ̣ܝܼ ܕܩܢܵܝܬܵܐ ܕܙܘܼܙܹ̈ܐ؛ ܕܒܼܸܩܠܗَܘܿܢ ܠܦܵܘܠܘܿܣ ܘܠܫܝܼܠܵܐ ܘܓܪܝܼܫܵܝܠܗَܘܿܢ ܠܫܘܼܩܵܐ. 20ܘܟܲܕ ܡܘܼܬَܝܵܝܠܗَܘܿܢ ܠܟܸܣ ܫܲܠܝܼܛܹ̈ܐ ܘܪܹ̈ܫܵܢܹܐ ܕܡܕܝܼܢَܬܵܐ ܘܐܵܡܪܝܼ ܗَܘܵܘ؛ ܐܲܢܹܐ ܐَܢܵܫܹ̈ܐ ܒܸܚܒ̣ܵܛܵܐ ܝܢܵܐ ܠܡܕܝܼܢَܬܲܢ؛ ܣܵܒܵܒ ܕܝܗَܘܼܕܵܝܹ̈ܐ ܝܢܵܐ. 21ܘܡܲܟܪܘܿܙܹܐ ܝܢܵܐ ܥܵܕܲܬܹ̈ܐ ܐܵܢܝܼ ܕܠܹܐ ܝَܠܵܗ̇ ܒܕܲܣܬܘܼܪ ܐܸܠܲܢ ܠܩܵܒܘܿܠܹܐ ܘܠܵܐ ܠܸܥܒ̣ܵܕܵܐ؛ ܕܪ̈ܗَܘܿܡܵܝܹܐ ܝܘܲܚ. 23ܘܟܸܢܫܵܐ ܪܵܒܵܐ ܩܸܡܠܗَܘܿܢ ܡܸܚܕܵܕܹ̈ܐ ܥܲܠܵܝܗܝ. ܘܫܲܠܝܼܛܹ̈ܐ ܟ̰ܘܼܢܟ̰ܸܪܗَܘܿܢ ܓ̰ܘܼܠܵܝ̈ܗܝ؛ ܘܦܩܸܕܠܗَܘܿܢ ܕܡܵܚܝܼ ܠܗَܘܿܢ ܒܩܲܝܣܹ̈ܐ. 23ܘܟܲܕ ܡܸܚܝܵܝܠܗَܘܿܢ ܪܵܒܵܐ ܡܲܚܘܵܬܹ̈ܐ؛ ܕܸܪܝܵܝܠܗَܘܿܢ ܓܵܘ ܒܹܝܬ ܐܲܣܝܼܪܹ̈ܐ؛ ܘܦܩܸܕܠܗَܘܿܢ ܠܢܵܛܘܿܪܵܐ ܕܒܹܝܬ ܐܲܣܝܼܪܹ̈ܐ ܕܢܵܛܸܪܘܿܢ ܒܗܸܫܝܵܪܘܼܬܵܐ. 24ܐܝܼܢܵܐ ܗ̇ܘ ܟܲܕ ܩܘܼܒܸܠܹܗ ܐܵܗܵܐ ܦܘܼܩܕܵܢܵܐ؛ ܕܸܪܝܵܝܠܹܗ ܓܵܘ ܒܲܝܬܵܐ ܓܵܘܵܝܵܐ ܕܒܹܝܬ ܐܲܣܝܪܹ̈ܐ؛ ܘܐَܣܝܼܪܹܗ ܐܲܩܠܵܬܵܝ̈ܗܝ ܒܩܵܘܕܵܐ. 25ܘܒܦܲܠܓܹܗ ܕܠܲܝܠܹܐ ܦܵܘܠܘܿܣ ܘܫܝܼܠܵܐ ܨܵܠܘܿܝܹܐ ܗَܘܵܘ ܘܫܵܒܘܿܚܹܐ ܠܐܲܠܵܗܵܐ؛ ܘܒܸܫܡܲܥܝܵܝܗܝ ܗَܘܵܘ ܐܲܣܝܼܪܹ̈ܐ. 26ܘܡܸܢܫܸܠܬܵܢܹ̈ܐ ܪܵܘܕܵܢܵܐ ܓܘܼܪܵܐ ܗَܘܹܐ ܠܹܗ؛ ܘܦܸܫܠܗَܘܿܢ ܫܥܝܼܫܹܐ ܒܸܢܝܲܬܹ̈ܐ ܕܒܹܝܬ ܐܲܣܝܼܪܹ̈ܐ؛ ܒܗ̇ܝ ܥܕܵܢܵܐ ܦܸܫܠܗَܘܿܢ ܦܬܝܼܚܹܐ ܟܠܵܝܗܝ ܬܲܪ̈ܥܵܢܹܐ؛ ܘܝܸܣܘܼܪܹ̈ܐ ܕܟܠܵܝܗܝ ܦܸܫܠܗَܘܿܢ ܫܸܪܝܹܐ. 27ܘܟܲܕ ܪܥܸܫܠܹܗ ܢܵܛܘܿܪܵܐ ܕܒܹܝܬ ܐܲܣܝܼܪܹ̈ܐ؛ ܘܚܙܹܐ ܠܹܗ ܕܦܬܝܼܚܹܐ ܗَܘܵܘ ܬܲܪ̈ܥܵܢܹܐ ܕܒܹܝܬ ܐܲܣܝܼܪܹ̈ܐ؛ ܫܩܸܠܹܗ ܣܲܝܦܵܐ؛ ܘܒܲܥܝܹܐ ܗَܘܵܐ ܕܩܵܛܸܠ ܓܵܢܹܗ؛ ܣܵܒܵܒ ܕܒܸܚܫܵܒ̣ܵܐ ܗَܘܵܐ ܕܥܪܝܼܩܹܐ ܗَܘܵܘ ܐܲܣܝܼܪܹ̈ܐ. 28ܘܩܪܹܐܠܹܗ ܦܵܘܠܘܿܣ ܒܩܵܠܵܐ ܪܵܡܵܐ؛ ܘܐَܡܸܪܹܗ ܐܸܠܹܗ؛ ܠܵܐ ܥܵܒ̣ܕܸܬ ܠܓܵܢܘܼܟ ܒܝܼܫܬܵܐ؛ ܣܵܒܵܒ ܟܠܲܢ ܠܲܐܟ̣ܵܐ ܝܘܲܚ. 29ܘܛܠܸܒܠܹܗ ܫܪܵܝܵܐ؛ ܘܫܘܸܪܹܗ ܠܓܵܘܵܝܝܼ ܟܲܕ ܪܲܬܪܘܼܬܹܐ؛ ܘܢܦܸܠܹܗ ܩܵܕَܡ ܐܲܩܠܹ̈ܐ ܕܦܵܘܠܘܿܣ ܘܫܝܼܠܵܐ. 30ܘܦܘܼܠܛܵܝܠܹܗ ܠܒܲܕܲܪ؛ ܘܐَܡܸܪܹܗ ܐܸܠܵܝܗܝ؛ ܡܵܪ̈ܲܝ؛ ܡܘܼܕܝܼ ܘܵܓ̰ܸܒ ܝܼܠܵܗ̇ ܐܸܠܝܼ ܠܸܥܒ̣ܵܕܵܐ ܕܚܲܝܸܢ. 31ܘܐܵܢܝܼ ܐَܡܸܪܗَܘܿܢ؛ ܗܲܡܸܢ ܒܡܵܪܲܢ ܝܼܫܘܿܥ ܡܫܝܼܚܵܐ؛ ܘܒܸܬ ܚܲܝܸܬ؛ ܐܲܢَܬ ܘܒܲܝܬܘܼܟ. 32ܘܗܘܼܡܙܸܡܠܗَܘܿܢ ܥܲܡܹܗ ܗܹܡܸܙܡܵܢ ܕܡܵܪܝܵܐ؛ ܥܲܡ ܟܠܵܝܗܝ ܕܓܵܘ ܒܲܝܬܹܗ. 33ܘܗܲܪ ܒܗ̇ܝ ܣܵܥܲܬ ܒܠܲܝܠܹܐ ܠܘܼܒܸܠܹܗ ܡܘܼܣܚܝܼܵܝܠܹܗ ܡ̣ܢ ܡܲܚܘܵܬܵܝ̈ܗܝ؛ ܘܒܗ̇ܝ ܣܵܥܲܬ ܥܡܸܕܠܹܗ؛ ܗ̇ܘ ܘܟܠܵܝܗܝ ܕܓܵܘ ܒܲܝܬܹܗ. 34ܘܠܘܼܒܠܵܝܠܹܗ ܠܒܲܝܬܹܗ؛ ܘܡܘܼܬܸܒ̣ܠܹܗ ܩܵܕَܡܵܝܗܝ ܡܹܐܟܼܘܼܠܬܵܐ؛ ܘܦܵܨܸܚ ܗَܘܵܐ ܗ̇ܘ ܘܟܠܵܗ̇ ܒܢܲܝ̈ ܒܲܝܬܹܗ؛ ܟܲܕ ܗܲܡܘܼܢܹܗ ܒܐܲܠܵܗܵܐ. 35ܘܟܲܕ ܗَܘܹܐ ܠܹܗ ܝܵܘܡܵܐ؛ ܫܘܼܕܸܪܗَܘܿܢ ܫܲܠܝܼܛܹ̈ܐ ܠܦܲܪ̈ܵܫܹܐ؛ ܕܐܵܡܪܝܼ ܗَܘܵܘ ܠܢܵܛܘܿܪܵܐ؛ ܫܪܝܼ ܠܐܵܢܝܼ ܐَܢܵܫܹ̈ܐ. 36ܘܟܲܕ ܫܡܸܥܠܹܗ ܓܘܼܪܵܐ ܕܒܹܝܬ ܐܲܣܝܼܪܹ̈ܐ؛ ܐََܡܝܼܪܵܐ ܠܹܗ ܗ̇ܝ ܗܹܡܸܙܡܵܢ ܠܦܵܘܠܘܿܣ؛ ܕܫܘܼܕܸܪܗَܘܿܢ ܫܲܠܝܼܛܹ̈ܐ ܕܦܵܝܫܝܼܬܘܿܢ ܫܸܪܝܹܐ؛ ܘܐܵܕܝܼܵܐ ܦܠܘܿܛܘܿܢ؛ ܙܹܠَܡܘܿܢ ܒܫܠܵܡܵܐ. 37ܐܵܡܸܪ ܐܸܠܹܗ ܦܵܘܠܘܿܣ؛ ܕܠܵܐ ܕܝܲܢܬܵܐ ܡܚܹܐܠܗَܘܿܢ ܐܸܠܲܢ ܩܵܕَܡ ܥܲܝܢܵܐ ܕܟܠܹܗ ܛܵܝܸܦܵܐ ܠܐَܢܵܫܹ̈ܐ ܪܗَܘܿܡܵܝܹܐ؛ ܘܕܪܹܐܠܗَܘܿܢ ܐܸܠܲܢ ܓܵܘ ܒܹܝܬ ܐܲܣܝܼܪܹ̈ܐ؛ ܘܐܵܕܝܼܵܐ ܒܛܸܫܘܵܐ ܦܵܠܘܿܛܹܐ ܝَܢܵܐ ܐܸܠܲܢ؛ ܠܵܐ؛ ܒܬܪܘܼܨܬܵܐ؛ ܐܸܠܵܐ ܒܓܵܢܵܝܗܝ ܐܵܬܝܼ ܦܵܠܛܝܼ ܠܲܢ. 38ܘܐَܙܸܠܗَܘܿܢ ܦܲܪ̈ܵܫܹܐ ܗܘܼܩܹܠܗَܘܿܢ ܠܫܲܠܝܼܛܹ̈ܐ ܐܲܢܹܐ ܗܹܡܸܙܡܵܢܹ̈ܐ؛ ܘܟܲܕ ܫܡܸܥܠܗَܘܿܢ ܕܪ̈ܗَܘܿܡܵܝܹܐ ܗَܘܵܘ؛ ܙܕܸܥܠܗَܘܿܢ. 39ܘܐَܬܹܐܠܗَܘܿܢ ܠܟܸܣܠܵܝܗܝ ܘܦܘܼܪܦܸܠܗَܘܿܢ ܒܝܼܵܝܗܝ؛ ܕܦܲܠܛܝܼ ܘܡܫܵܢܝܼ ܗَܘܵܘ ܡ̣ܢ ܡܕܝܼܢَܬܵܐ. 40ܘܟܲܕ ܦܠܸܛܠܗَܘܿܢ ܡ̣ܢ ܒܹܝܬ ܐܲܣܝܼܪܹ̈ܐ؛ ܥܒܼܸܪܗَܘܿܢ ܠܟܸܣ ܠܘܼܕܝܼܵܐ؛ ܘܚܙܹܐܠܗَܘܿܢ ܠܐܲܚܘܿܢܘܵܬܹ̈ܐ؛ ܘܝܘܼܗَܒ̣ܵܝܠܗَܘܿܢ ܠܸܒܵܐ؛ ܘܦܠܸܛܠܗَܘܿܢ.